У светлагорскай царкве знайшлі мёртвымі двух рабочых

У Петрапаўлаўскім храме ў Светлагорску 20 красавіка знайшлі целы двух мёртвых мужчын. Пра гэта інфармуе БЕЛТА са спасылкай на Следчы камітэт Беларусі.

Паводле папярэдніх звестак, загінулі  31-гадовы і 34-гадовы рабочыя з Гомеля, якіх запрасілі ў царкву для рамонтных работ. Паведамляецца, што яны прыехалі толькі ў панядзелак. Яны начавалі ў царкве, дзе зранку іх і знайшлі мёртвымі. На целах мужчын не выявілі прыкмет гвалтоўнай смерці.

Следчыя прызначылі шэраг судова-медыцынскіх экспертыз для высвятлення прычын смерці.