У суботу ў Беларусі чакаюцца дажджы з навальніцамі, парывісты вецер
![У суботу ў Беларусі чакаюцца дажджы з навальніцамі, парывісты вецер](/sites/default/files/styles/gallery_main/public/2023-08/nadvorje-2007_0.jpg.webp?itok=OQ1P2gHx)
З-за навальніцаў 21 ліпеня сіноптыкі абвясцілі аранжавы ўзровень небяспекі. Пра гэта агенцтву БЕЛТА распавялі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Чакаецца воблачнае з праясненнямі надвор'е. Уначы месцамі, а ўдзень на большай частцы тэрыторыі пройдуць кароткачасовыя дажджы, навальніцы. Удзень па ўсходзе краіны ў асобных раёнах пройдуць моцныя залевы з градам. Зранку месцамі магчымы слабы туман.
Вецер чакаецца паўночна-заходні 4-9 метраў за секунду, пры навальніцах з парывамі да 14 метраў за секунду. Удзень па ўсходзе ў асобных раёнах магчыма шквалістае ўзмацненне ветру да 15-20 метраў за секунду.
Слупок тэрмометра ўначы пакажа ад 14 да 19 цяпла, удзень ён падымецца да +21...+27 градусаў.