У суботу па большай частцы Беларусі пройдуць кароткачасовыя дажджы
Восень у Беларусі / Еўрарадыё
У суботу, 30 верасня, у Беларусі ўначы прагназуецца пераменная воблачнасць, удзень — воблачна з праясненнямі, паведамляе Белгідрамет.
Уначы будзе пераважна без ападкаў, а зранку і ўдзень на большай частцы тэрыторыі краіны пройдуць кароткачасовыя дажджы. Удзень месцамі па краіне магчымыя навальніцы. Уначы і зранку ў асобных раёнах будзе згушчацца туман. Вецер чакаецца паўднёвы, удзень з пераходам на заходні ўмераны, месцамі парывісты.
Тэрмометры ўначы пакажуць 9-15 са знакам "плюс", месцамі будзе 5-8 вышэй за нуль. Удзень прагназуецца ад +17 па паўночным захадзе да +26 па паўднёвым усходзе Беларусі.
