У спісе выбарцаў сланімчук пабачыў сваю маці, якая памерла паўтара года таму
У Слоніме ў спіс выбарцаў трапілі мёртвыя асобы. З такім выпадкам сутыкнуўся мясцовы жыхар Уладзімір Ліцвін. Як паведамляе праваабарончы сайт "Вясна", задоўга да дня выбараў яму дамоў прынеслі запрашэнне, каб яго маці Ганна Ільінічна Хілімончык прыйшла на выбары. Мужчына папярэдзіў чальцоў камісіі на слонімскім выбарчым участку №26, што маці памерла яшчэ ў жніўні 2014 года.
“Я папрасіў, каб шарыкавай ручкай яе выкраслілі са спісаў тых, хто будзе галасаваць. Але ручкай яе ніхто не выкрасліў, а толькі лёгка выкраслілі алоўкам”, — кажа Ліцвін.
Фота: kyrtag.kg
