У Смаргоні з рэчкі выцягнулі аўтавышку ЖКГ, якая звалілася з моста
Аперацыя па ратаванні аўтавышкі прайшла паспяхова / t.me/smorgonprivet/
У Смаргоні з рэчкі выцягнулі аўтавышку ЖКГ, якая раніцай у чацвер звалілася з моста. Для гэтага спатрэбіліся два аўтакраны.
Як піша раённая газета, камунальнікі замянялі лямпы электрычных ліхтароў. Мост яны вырашылі праехаць на аўтавышцы па пешаходным пралёце, а ён не вытрымаў яе цяжару і разбурыўся. У той момант адзін з камунальнікаў быў на платформе. Паведамляецца, што 32-гадовы рабочы, як і 42-гадовы кіроўца, сур'ёзных траўмаў не атрымалі.
Праводзіцца праверка, паколькі "нанесены матэрыяльны ўрон інфраструктуры горада".
shliah.by
