У Слоніме шукаюць уладальнікаў "драўляных плавальных сродкаў"
!["Лодкі або тое, што ад іх засталося"](/sites/default/files/styles/gallery_main/public/2024-09/0064.jpg.webp?itok=-uwcldBy)
"Лодкі або тое, што ад іх засталося" / slonves.by
У Слоніме мясцовая ЖКГ шукае ўладальнікаў "драўляных плавальных сродкаў". Яны знаходзяцца ўздоўж берага Альбярцінскага возера з боку былога палаца графа Пуслоўскага. Гэтыя вёсельныя лодкі маюць інвентарныя нумары і зарэгістраваныя ў Дзяржаўнай інспекцыі па маламерных судах, таму іх без папярэджання не прыбралі — далі тэрмін да 23 верасня.
Камунальнікі адзначаюць, што "лодкі знаходзяцца там ужо не адзін дзясятак гадоў і ў сілу ўмоў надвор'я, часовых і іншых умоў іх стан у большасці крытычны". Калі ўласнікі не забяруць сваю маёмасць, "лодкі або тое, што ад іх засталося, будуць перавезены ў месца часовага захоўвання".
Справа ў тым, што праводзіцца не толькі рэканструкцыя будынка былога палаца ў Альбярціне, але запланаванае і добраўпарадкаванне прылеглай тэрыторыі, якая знаходзіцца ў занядбаным стане.
![У Слоніме шукаюць уладальнікаў "драўляных плавальных сродкаў"](/sites/default/files/styles/default_image_paragraph/public/paragraphs/image/1-3.jpg.webp?itok=LYOwzTJV)
![У Слоніме шукаюць уладальнікаў "драўляных плавальных сродкаў"](/sites/default/files/styles/default_image_paragraph/public/paragraphs/image/4-1.jpg.webp?itok=Qcnl94Ag)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.