У Шумілінскім раёне "Мазда" ў лоб сутыкнулася з фурай
![У Шумілінскім раёне "Мазда" ў лоб сутыкнулася з фурай](/sites/default/files/styles/gallery_main/public/2023-08/shumil_1.jpg.webp?itok=hjNy3DSb)
У Шумілінскім раёне легкавік "Мазда 6" сутыкнуўся з грузавой фурай. Як паведамляе Следчы камітэт, здарэнне адбылося пад раніцу 4 жніўня, прыкладна ў 3:35 на трасе Р-20 "Віцебск-Полацк-мяжа Латвіі".
Каля вёскі Мазекі кіроўца "Мазды" выехаў на сустрэчную і там у лоб сутыкнуўся з сядзельным цягачом "Вольва-FH" з паўпрычэпам.
37-гадовы кіроўца легкавіка і яго 39-гадовы пасажыр атрымалі траўмы. Яны шпіталізаваныя. У момант здарэння мужчыны былі цвярозыя і прышпіленыя рэмнямі бяспекі.
Следчыя высвятляюць акалічнасці здарэння.