Вы тут

У Шуміліне за адну ноч скралі машыны ў чыноўніка і начальніка міліцыі

Hyundai Creta / Ілюстрацыйнае фота

У Шуміліне за адну ноч скралі аўтамабілі ў намесніка старшыні райвыканкама і начальніка міліцыі. Як інфармуе nn.by, абедзве машыны маркі Hyundai Creta. Адна з іх 2018 года выпуску, іншая — 2019-га. У прэс-службе віцебскай міліцыі паведамілі, што здарэнне адбылося ў ноч на 2 снежня. Крымінальную справу расследуе Следчы камітэт.

Шуміліна — гарадскі пасёлак, цэнтр раёна ў Віцебскай вобласці. Насельніцтва складае каля 7 тысяч чалавек. Раён знаходзіцца недалёка ад мяжы з Расіяй.

Шумілінскі раён на карце Віцебскай вобласці / wikipedia.org

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.