У сераду ў Беларусі чакаюцца ападкі і моцны вецер

Уначы ў сераду, 4 студзеня, кароткачасовыя ападкі (дождж і мокры снег) чакаюцца амаль па ўсёй тэрыторыі Беларусі, удзень — толькі месцамі. Сіноптыкі папярэджваюць, што ў начныя гадзіны будзе моцны вецер — месцамі парывы будуць дасягаць 15-20 м/с.

На працягу сутак тэмпература паветра складзе ад -2 да +4 градусаў.

Рэзкае пахаладанне ў нашай краіне пачнецца ў пятніцу. Прагназуецца, што на поўначы і паўночным усходзе будзе да 14-16 градусаў марозу.