У Салігорску збіраюцца пабудаваць скейт-парк

У Салігорску ў раёне Набярэжнай вуліцы збіраюцца пабудаваць скейт-парк. Прычым ініцыятары спадзяюцца рэалізаваць праект за кошт ахвяраванняў і ў сацыяльных сетках заклікаюць яго падтрымаць. Пры гэтым абяцаюць, што "рух сродкаў будзе максімальна празрыстым". Супольнасць "Скейт-парк Салігорск" інфармуе, што патрэбна ад 14 да 37 тысяч долараў (без уліку асфальту).

Адзначым, што пра старт праекта "Пабудуем скейт-парк РАЗАМ" аб'явіла арганізацыя БРСМ. Рэалізаваць яго спадзяюцца ў 2019 годзе.