У Салігорску падчас пажару загінуў адзін чалавек, 17 эвакуявалі
У Салігорску па вуліцы Заслонава падчас пажару ў жылым доме загінуў адзін чалавек, 17 эвакуявалі. Здарэнне адбылося ўвечары 9 верасня. Узгаранне пачалося ў кватэры на трэцім паверсе пяціпавярховіка. Эвакуацыю людзей з аднаго з пад'ездаў праводзілі ратавальнікі.
Як інфармуе прэс-служба МНС Мінскай вобласці, загінуламу было 64 гады. Высвятляецца прычына пажару.
