У саборы ў Парыжы застрэліўся вядомы французскі пісьменнік
Трагічнае здарэнне адбылося сёння насупраць алтара аднаго з самых вядомых сабораў свету — Нотр-Дам-дэ-Пары.
У самазабойцы, які аказаўся вядомым пісьменнікам і эсэістам Дамінікам Венерам, знайшлі пяць лістоў, у якіх ён тлумачыць свой учынак. Яму было 78 гадоў.
РІА "Новости" адзначае, што інцыдэнт адбыўся за некалькі гадзінаў да канцэрта ў падтрымку аднаполых шлюбаў, які пройдзе на плошчы Бастыліі ў Парыжы. Як вядома, днямі прэзідэнт Францыі Франсуа Аланд падпісаў закон, які дазваляе аднаполым парам браць шлюб і ўсынаўляць дзяцей. Венер выступаў супраць гэтага закону.
Фота — moimir.org
