У Расіі зноў затрымалі кантрабандныя цыгарэты з Беларусі на мільёны долараў
![Перахопленая кантрабанда з Беларусі / customs.gov.ru](/sites/default/files/styles/gallery_main/public/2023-08/Gruz.jpg.webp?itok=gjTwVTNV)
Перахопленая кантрабанда з Беларусі / customs.gov.ru
У Расіі затрымалі кантрабандныя цыгарэты з Беларусі на 2,6 млн долараў. Смаленскія мытнікі налічылі ў двух фурах, спыненых для праверкі на трасе ў Ярцаўскім раёне, амаль 1,8 млн пачак цыгарэт NZ, Minsk, CREDO і DOVE без спецыяльных акцызных марак. Дакументаў на груз у кіроўцаў не было.
Летась расіяне некалькі разоў перахоплівалі кантрабандныя цыгарэты з Беларусі на мільёны долараў. У снежні 2022-га таксама на Смаленшчыне такі груз ацанілі на суму $4,5 млн.
Летась расійскія эксперты ацэньвалі пастаўкі з Беларусі як 92% незаконнага абароту цыгарэт у Расіі.
![У Расіі зноў затрымалі кантрабандныя цыгарэты з Беларусі на мільёны долараў](/sites/default/files/styles/default_image_paragraph/public/paragraphs/image/1_207.jpg.webp?itok=Wl_LDIg3)
customs.gov.ru
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.