У Расіі заснавалі медаль з літарай Z
У Расіі заснавалі медаль з літарай Z. Расгвардыя збіраецца яго ўручаць найперш удзельнікам вайны ва Украіне ("спецыяльнай ваеннай аперацыі"). Загад падпісаў кіраўнік Расгвардыі генерал арміі Віктар Золатаў, ён ужо апублікаваны.
На адным баку медаля — эмблема Расгвардыі, на іншым — узброены вайсковец на фоне стужкі, складзенай у форме літары Z.
Сёлета літара Z стала сімвалам расійскай агрэсіі супраць Украіны. Спачатку яе (як і літару V) расіяне наносілі для маркіроўкі сваёй тэхнікі. Пасля яе стала актыўна выкарыстоўваць расійская прапаганда.
vk.com/rosgvard_official
