У пятніцу працягнецца суд над удзельнікамі прэзентацыі кнігі Севярынца
У Маскоўскім раённым судзе Брэста ў пятніцу працягнуцца суды над удзельнікамі прэзентацыі кнігі Паўла Севярынца, якія былі затрыманыя 19 жніўня. Іх абвінавачваюць ва ўдзеле ў несанкцыянаваным сходзе. У чацвер суддзя Вольга Смірнова, якая раней адправіла на 15 сутак за краты
Севярынца, планавала разгледзець справы траіх чалавек – Рамана Кісляка,
Андрэя Шаранды і Юркі Бакура. Першым судзілі Кісляка.
Пра тое, што з гэтага выйшла, “Еўрарадыё” распавёў брэсцкі актывіст Юрка Бакур:
“Суддзя адмовілася далей разглядаць справу і сказала міліцыянтам, каб склалі іншы пратакол. Бо ранейшы пратакол супярэчлівы… А астатніх, мяне і Шарэнду, выклікалі на заўтра. І заўтра яшчэ акрамя нас будуць судзіць траіх чалавек”.
Паводле словаў Бакура, на аўторак ужо запланаваны суд над яшчэ 7 затрыманымі ўдзельнікамі прэзентацыі.
Адзначым, што 30 жніўня падтрымаць хлопцаў у залу суда прыйшлі каля 50 чалавек. Сярод іх былі лідэр Руху “За Свабоду” Аляксандр Мілінкевіч і сустаршыня аргкамітэту па стварэнні партыі “Беларуская Хрысціянская Дэмакратыя” Аляксей Шэін.
Пра тое, што з гэтага выйшла, “Еўрарадыё” распавёў брэсцкі актывіст Юрка Бакур:
“Суддзя адмовілася далей разглядаць справу і сказала міліцыянтам, каб склалі іншы пратакол. Бо ранейшы пратакол супярэчлівы… А астатніх, мяне і Шарэнду, выклікалі на заўтра. І заўтра яшчэ акрамя нас будуць судзіць траіх чалавек”.
Паводле словаў Бакура, на аўторак ужо запланаваны суд над яшчэ 7 затрыманымі ўдзельнікамі прэзентацыі.
Адзначым, што 30 жніўня падтрымаць хлопцаў у залу суда прыйшлі каля 50 чалавек. Сярод іх былі лідэр Руху “За Свабоду” Аляксандр Мілінкевіч і сустаршыня аргкамітэту па стварэнні партыі “Беларуская Хрысціянская Дэмакратыя” Аляксей Шэін.