У Празе прайшоў антырасійскі марш (відэа)

У Празе адбыўся марш у гонар 25-й гадавіны "аксамітнай рэвалюцыі", у якім прынялі ўдзел некалькі тысяч чалавек. Дзея, што пачалася з урачыстасцяў, перарасла ў акцыю пратэсту. Як перадае ВВС, удзельнікі акцыі выказалі незадавальненне прэзідэнту Чэхіі Мілашу Зэману за яго прарасійскую пазіцыю. 

Падчас выступу Зэмана людзі, якія сабраліся на мітынг, пачалі яго асвістваць і паказваць чырвоныя карткі, што ў футболе азначае "выдаленне з поля". 

А неўзабаве ў бок сцэны паляцелі яйкі. Па паведамленні Франс Прэс, нехта з пратэстоўцаў пацэліў яйкам у галаву прэзідэнту ФРГ Ёахіму Гаўку, які прыехаў на ўрачыстасці.

"Мілаш Зэман сказаў Ёахіму Гаўку: прабачце мне, спадар прэзідэнт, гэта яйка прызначалася мне, а не вам", — гаворыцца ў каментары прадстаўніка чэшскага прэзідэнта.

Фота — ČT24

Апошнія навіны

Галоўнае

Выбар рэдакцыі