У Польшчы знайшлі склад з кантрабанднымі беларускімі цыгарэтамі на 1 млн долараў
![Кантрабандныя беларускія цыгарэты](/sites/default/files/styles/gallery_main/public/2023-10/cyharety-1210-3.jpg.webp?itok=YFQUnyhZ)
Кантрабандныя беларускія цыгарэты / Krajowa Administracja Skarbowa
У Польшчы праваахоўнікі знайшлі склад кантрабандных цыгарэт, паведамляе прэс-служба Міністэрства фінансаў.
На складзе ў Вышкуве пад Варшавай захоўвалася больш за 6,5 мільёна цыгарэт без польскіх акцызных марак. Пры гэтым на большасці з іх былі беларускія акцызы.
Агульны кошт кантрабанды ацэньваецца больш як на 5 мільёнаў злотых (больш за 1,1 мільёна долараў). Страты польскай казны ад паступлення гэтых цыгарэтаў у абарачэнне дасягнулі б 7 мільёнаў злотых (1,6 мільёнаў долараў).
Праваахоўнікі затрымалі 38-гадовага грамадзяніна Польшчы, якому належыць склад. Ён прызнаў выстаўленыя абвінавачванні.
![У Польшчы знайшлі склад з кантрабанднымі беларускімі цыгарэтамі на 1 млн долараў](/sites/default/files/styles/default_image_paragraph/public/paragraphs/image/cyharety-1210-2.jpg.webp?itok=cgzgzmZr)
![У Польшчы знайшлі склад з кантрабанднымі беларускімі цыгарэтамі на 1 млн долараў](/sites/default/files/styles/default_image_paragraph/public/paragraphs/image/cyharety-1210-1.jpg.webp?itok=e0ZtOUZU)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.