У Пінску мужчына пасварыўся з жонкай і лёг на рэйкі перад цягніком
![У Пінску мужчына пасварыўся з жонкай і лёг на рэйкі перад цягніком](/sites/default/files/styles/gallery_main/public/2023-08/000024_495750_big.jpg.webp?itok=ixdWo7MM)
У Пінску 30-гадовы мужчына пасварыўся з жонкай і лёг на рэйкі перад грузавым цягніком. Ён атрымаў цяжкія траўмы і загінуў. Як інфармуе сайт varjag.net, трагічнае здарэнне адбылося ўвечары 2 кастрычніка на ўездзе ў горад. Цягнік курсіраваў з Лунінца на чыгуначную станцыю “Пінск”.
Паводле папярэдняй версіі, напярэдадні мужчына, жыхар Пінскага раёна, меў канфлікт з жонкай. Яна забрала двух непаўналетніх дзяцей і паехала да бацькоў. Мужчына ў стане алкагольнага апя’нення пайшоў у бок чыгункі з мэтай скончыць жыццё самагубствам (раней ён заяўляў пра такі намер). Вядома, што ён працаваў у раённым цэнтры слесарам. Праваахоўнікі высвятляюць усе абставіны трагічнага здарэння.