У панядзелак дажджы працягнуцца, але стане крыху цяплей
У бліжэйшыя суткі, 17 ліпеня, у Беларусі чакаецца хмарнае з праясненнямі надвор’е. Уначы месцамі, удзень у многіх раёнах магчымыя невялікія кароткачасовыя дажджы. Таксама ўначы і раніцай у асобных раёнах сіноптыкі прадказваюць слабы туман.
Вецер будзе паўднёва-заходні 5-10 метраў за секунду.
Тэмпература паветра ўначы складзе 7-13 градусаў цяпла, удзень будзе 18-23 градусы вышэй за нуль, на паўднёвым усходзе краіны — да +25, перадае БЕЛТА са спасылкай на Белгідрамет.
