У Оршы затрымалі Мілінкевіча, Губарэвіча і Севярынца
Лідэра руху "За Свабоду" Аляксандра Мілінкевіча затрымалі ў Оршы. Яго адвезлі ў мясцовы РУУС для высвятлення асобы. Затрыманне было праведзенае міліцыянтамі пасля заканчэння сустрэчы палітыка з жыхарамі аднаго з мікрараёнаў горада. Раней праваахоўнікі папярэджвалі Мілінкевіча пра забарону на мітынгі і
дэманстрацыі падчас яго візіта ў Оршу. Таксама былі затрыманыя Павел
Севярынец і Юрась Губарэвіч, паведамляе "Хартыя-97".
