У нядзелю пройдзе мокры снег, будзе да +6

У бліжэйшыя суткі, 10 лютага, у Беларусі прагназуецца хмарнае з праясненнямі надвор’е. Уначы на большай частцы тэрыторыі, а ўдзень у асобных раёнах пройдуць невялікія ападкі ў выглядзе мокрага снегу і дажджу.

Уначы і раніцай месцамі чакаюцца слабыя туман і галалёд. На асобных участках дарог — галалёдзіца. Вецер паўднёва-заходні, паўднёвы парывісты.

Тэмпература паветра ўначы складзе ад мінус 4 да плюс 1 градуса, на ўсходзе пры праясненнях — да 8 градусаў марозу. Удзень будзе да 6 градусаў вышэй за нуль, перадае БЕЛТА са спасылкай на Белгідрамет.