У нядзелю па Беларусі пройдуць працяглыя ападкі
![У нядзелю па Беларусі пройдуць працяглыя ападкі](/sites/default/files/styles/gallery_main/public/2023-08/mokry_sneh_belta.jpg.webp?itok=VvxbsrWc)
У бліжэйшыя суткі, 6 лістапада, у Беларусі чакаецца хмарнае, з працяглымі ападкамі надвор’е. На большай частцы тэрыторыі прагназуецца снег і мокры снег з пераходам у дождж. Раніцай і ўдзень на поўначы будуць моцныя ападкі. Таксама ўначы і раніцай у асобных раёнах чакаецца слабы галалёд, на дарогах — галалёдзіца, туман.
Вецер будзе паўднёва-ўсходні, парывісты. Тэмпература паветра ўначы складзе ад мінус 3 да плюс 3 градусаў, па поўначы да 7 градусаў марозу. Удзень будзе ад нуля да плюс 6, па паўднёвым захадзе — 7-10 градусаў вышэй за нуль.
У панядзелак, 7 лістапада, чакаюцца моцныя дажджы, у Віцебскай вобласці — з мокрым снегам, перадае БЕЛТА са спасылкай на Белгідрамет.