У нядзелю на захадзе Беларусі прагназуюць моцны снег
У бліжэйшыя суткі, 16 снежня, у Беларусі чакаецца пераважна хмарнае надвор’е. Месцамі пройдзе кароткачасовы снег, удзень па захадзе краіны прагназуюць моцны, мокры снег з наліпаннем, на асобных участках дарог — снегавыя заносы.
Месцамі будзе слабая завіруха, на дарогах галалёдзіца.
Вецер усходні, паўднёва-ўсходні, уначы ўмеркаваны, удзень парывісты.
Тэмпература паветра ўначы складзе 2-8 градусаў марозу, на ўсходзе пры праясненнях — да мінус 10 градусаў. Удзень будзе 1-6 градусаў са знакам мінус, перадае БЕЛТА са спасылкай на Белгідрамет.
