У Нігерыі выкрадзеныя шасцёра расіянаў

На паўднёвым усходзе Нігерыі выкрадзеныя шасцёра супрацоўнікаў алюмініевай кампаніі "Русал".
Як распавёў прэс-сакратар амбасады Расіі Уладзімір Шварц, усе закладнікі з’яўляюцца грамадзянамі Расіі.

Ён адзначыў, што выкрадальнікі пакуль не высунулі ніякіх патрабаванняў. Мяркуецца, што закладнікі захопленыя з мэтай атрымання выкупу.

Па словах Шварца, сёння раніцай невядомыя на двух мікрааўтобусах уварваліся на тэрыторыю пасёлка пры алюмініевым заводзе, выкралі шасцярых расіянаў і застрэлілі кіроўцу-нігерыйца.

Усяго сярод працаўнікоў завода налічваецца некалькі дзесяткаў расійскіх грамадзян.

РИА Новости