У Мсціслаўскім раёне ў бункеры са збожжам загінуў падлетак
На месцы, дзе адбылася трагедыя / mogilev.mchs.gov.by
У аграгарадку Мушына ў Мсціслаўскім раёне Магілёўскай вобласці ў загрузачным бункеры са збожжам загінуў падлетак (2006 года нараджэння). Як паведамляюць ратавальнікі, хлопчыка там знайшлі ўдзень 3 жніўня. Супрацоўнікі Следчага камітэту высвятляюць абставіны трагедыі.
Падлетак быў засыпаны збожжам. Супрацоўнікі МНС дасталі яго цела, а медыкі канстатавалі смерць.
СК удакладняе, што 17-гадовы хлопец на летніх канікулах працаваў аператарам зернесушыльнага комплексу мясцовага прадпрыемства. І адбыўся няшчасны выпадак. Падлетак вырашыў пажартаваць і заскочыў у яму са збожжам, але стаў у ім тануць.
mogilev.mchs.gov.by
