У Мінску знайшлі 100-гадовыя гранаты, а пад Светлагорскам — фаўстпатрон
![У Мінску знайшлі 100-гадовыя гранаты, а пад Светлагорскам — фаўстпатрон](/sites/default/files/styles/gallery_main/public/2023-08/img_7298.jpg.webp?itok=AZT7_Zyg)
У Мінску знайшлі восем англійскіх ручных гранат узору 1915 года, якія выкарыстоўваліся падчас Першай сусветнай вайны. Як інфармуе прэс-служба сталічнай міліцыі, у Кастрычніцкі РУУС звярнуўся мужчына, які паведаміў пра месца, дзе яны знаходзяцца. Сапёры забралі боепрыпасы, праходзіць іх даследаванне.
У Светлагорскім раёне каля вёскі Сасновы Бор у лесе выявілі 7 артылерыйскіх снарадаў і 3 узрывальнікі да іх, 34 гранаты, 23 запалы, 15 мінаў і фаўстпатрон часоў Другой сусветнай вайны. Усе боепрыпасы абясшкодзілі сапёры, паведамляе прэс-служба МУС.
![У Мінску знайшлі 100-гадовыя гранаты, а пад Светлагорскам — фаўстпатрон](/sites/default/files/styles/default_image_paragraph/public/paragraphs/image/fffff.jpg.webp?itok=ghkVkJpb)
Фота: guvd.gov.by і wikimedia.org