У Мінску затрыманы 19-гадовы педагог — ён вёў гурток малявання для дзяцей
![Андрэй Раптуновіч вёў гурток малявання для дзяцей / pixabay.com](/sites/default/files/styles/gallery_main/public/2023-08/malen_18_05.jpg.webp?itok=qNOIyjtD)
Андрэй Раптуновіч вёў гурток малявання для дзяцей / pixabay.com
У Мінску затрыманы 19-гадовы Андрэй Раптуновіч, паведамляюць праваабаронцы. Надоечы ў праўладных тэлеграм-каналах з'явілася "пакаяльнае відэа" з хлопцам. Ён расказвае, што вядзе гурток малявання ў цэнтры дадатковай адукацыі "Маяк" Ленінскага раёна Мінска.
Восенню 2021 года, паводле яго слоў, ён зарэгістраваўся ў чат-боце плана "Перамога", а нядаўна — яшчэ і ў чат-боце батальёна імя Кастуся Каліноўскага
"Быў гатовы ўзяць удзел у баявых дзеяннях на баку Украіны", — кажа відавочна спалоханы хлопец на відэа.
МУС яшчэ ў лістападзе 2021 года прызнала ініцыятыву BYPOL "мабілізацыйны план "Перамога" экстрэмісцкім фарміраваннем. Змест Telegram-канала батальёна імя Кастуся Каліноўскага, які ваюе ва Украіне супраць расійскіх войскаў, таксама прызнаны ў Беларусі эктсрэмісцкімі матэрыяламі.
![В Минске задержан 19-летний педагог — он вел кружок рисования для детей](/sites/default/files/paragraphs/image/malen18052_2.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.