У Мінску затрымалі двух студэнтаў гістфака БДУ
![Адміністрацыя гістфака БДУ давяла да студэнтаў, каб яны пачысцілі свае тэлефоны і сацсеткі / Яндекс](/sites/default/files/styles/gallery_main/public/2023-08/Gist.jpg.webp?itok=Vm973iDs)
Адміністрацыя гістфака БДУ давяла да студэнтаў, каб яны пачысцілі свае тэлефоны і сацсеткі / Яндекс
У Мінску затрымалі двух студэнтаў гістфака БДУ. Гэта Аляксей Рамановіч і Андрэй Янук, піша "Наша ніва". Затрыманні адбыліся 5-6 студзеня. Адзін са студэнтаў непаўналетні.
Рамановіч і Янук жылі ў адным інтэрнаце на адным паверсе, але ў розных пакоях. Мяркуецца, што перад затрыманнем сілавікі маніторылі іх сацсеткі. Судзіць хлопцаў збіраліся па адміністрацыйным артыкуле.
Пасля затрымання студэнтаў адміністрацыя зладзіла сход у інтэрнаце № 1, на якім прысутнічалі студэнты гістарычнага факультэта і супрацоўнікі Следчага камітэта. Апошнія "хацелі стварыць уражанне, што людзі затрыманыя не па палітычных матывах, а за тое, што яны парушылі нейкія маральныя нормы", кажа сведка. Адміністрацыя гістфака БДУ пасля давяла да студэнтаў, каб яны пачысцілі свае тэлефоны і сацсеткі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.