У Мінску пад трамвай трапіла 11-гадовая школьніца
На Лагойскім тракце ў Мінску ўдзень 13 жніўня пад трамвай трапіла школьніца, інфармуе прэс-служба МУС у сваім Telegram-канале.
Пад'язджаючы да рэгуляванага пешаходнага пераходу, кіроўца трамвая пабачыў, як на чырвоны сігнал святлафора на трамвайныя шляхі выйшла 11-гадовая дзяўчынка. Кіроўца экстрана затармазіў, аднак наезду пазбегнуць не змог.
Брыгада хуткай медыцынскай дапамогі даставіла дзяўчынку ў бальніцу.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
