У Мінску пачынаюць уводзіць адзіную школьную форму
![Узоры згаданай школьнай формы прэзентавалі ў Мінгарвыканкаме](/sites/default/files/styles/gallery_main/public/2024-02/8977.jpg.webp?itok=LAQ0MjuX)
Узоры згаданай школьнай формы прэзентавалі ў Мінгарвыканкаме / t.me/bellegprom/
У Мінску пачынаюць уводзіць адзіную школьную форму. "Беллегпрам" паведамляе, што ў "пілотным праекце" паўдзельнічаюць больш за 40 тысяч школьнікаў з 50 устаноў адукацыі. Адзіная школьная форма будзе ўводзіцца "паэтапна". Пакуль насіць яе будуць вучні СШ № 48 і гімназіі № 36. З улікам заўваг і прапаноў калекцыю дапрацуюць.
27 лютага ўзоры згаданай школьнай формы для трох узроставых груп прэзентавалі ў Мінгарвыканкаме. Прысутнічалі старшыня Мінгарвыкакама Уладзімір Кухараў, міністр адукацыі Андрэй Іванец, старшыня Савета Рэспублікі Наталля Качанава, кіраўніца "Беллегпраму" Таццяна Лугіна.
Летась у Камітэце па адукацыі Мінгарвыканкама заявілі, што збіраюцца апрануць усіх школьнікаў Мінска ў аднолькавую форму да восені 2024 года. Згаданыя 40 тысяч школьнікаў — гэта прыблізна пятая частка ўсіх школьнікаў сталіцы. І гэта толькі пачатак.
![У Мінску пачынаюць уводзіць адзіную школьную форму](/sites/default/files/styles/default_image_paragraph/public/paragraphs/image/8555.jpg.webp?itok=emINJB34)
![У Мінску пачынаюць уводзіць адзіную школьную форму](/sites/default/files/styles/default_image_paragraph/public/paragraphs/image/8334.jpg.webp?itok=C8tPKDnl)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.