У Мінску хочуць зладзіць гонкі на электрамабілях
![Электрамабіль Tesla / Шон Гэлап, Getty Images Europe](/sites/default/files/styles/gallery_main/public/2023-08/tesla_12_08.jpg.webp?itok=pWM2UK7Z)
Электрамабіль Tesla / Шон Гэлап, Getty Images Europe
У Мінску плануюць зладзіць гонкі на электрамабілях. Заезд адбудзецца 10 верасня на палігоне для выпрабаванняў мабільных машын інстытута машынабудавання Нацыянальнай акадэміі навук Беларусі, паведамляе прэс-служба Міністэрства энергетыкі.
Плануецца, што ў спаборніцтвах возьмуць удзел больш за 20 экіпажаў — уладальнікаў уласных электракараў. Яны павінны будуць праехаць гарадскую дыстанцыю і выканаць заданні на палігоне. Пераможцаў чакаюць сертыфікаты на бясплатную зарадку ў сетцы MALANKA.
Акрамя асноўнага спаборніцтва ў межах "Minsk ELECTRO-2022" адбудзецца дрыфт-шоу на электраматацыклах і гонкі на электрасамакатах.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.