У Мінску гарэў інтэрнат, уратавалі 11 чалавек (відэа)
Здарэнне адбылося раніцай 25 студзеня ў інтэрнаце электрамеханічнага заводу па вуліцы Бялінскага, 19.
А 6.21 пра ўзгаранне паведаміў вахцёр і праз пяць хвілінаў пажарныя былі на месцы. Высветлілася, што агонь ахапіў пакой на 4-м паверсе, наймальнікам якога з’яўляецца жанчына 1977 году нараджэння. Яна жыве адна і пакінула пакой да прыеду ратавальнікаў.
З іншых пакояў уратавалі 11 чалавек, эвакуявалі 20 чалавек, у тым ліку пецярых дзяцей. Пацярпелых няма.
Пажар ліквідавалі за 25 хвілінаў. Агнём пашкоджаная маёмасць, закураны калідор чацвёртага паверха, перадае БелаПАН са спасылкай на прэс-службу МНС.
