У Мінску будзе памятная дошка народнаму паэту Рыгору Барадуліну (фота)
Яшчэ да Калядаў яе плануецца адкрыць на доме, дзе ён жыў.
У Мінску будзе памятная дошка народнаму паэту Рыгору Барадуліну (1935 — 2014). Яе плануецца адкрыць на доме па вуліцы Мележа, дзе ён жыў, яшчэ да Калядаў. Пра гэта на сваёй старонцы ў Facebook напісаў Глеб Лабадзенка. Менавіта ён ініцыяваў збор сродкаў на гэты праект. Лабадзенка інфармуе, што “дошка атрымала ўсе неабходныя ўзгадненні і ўжо адліваецца”. Яе аўтар — скульптар Ігар Засімовіч.