У Мінску арыштавалі кіроўцу, які ўчыніў "п'яную" аварыю
34-гадовы мужчына на аўтамабілі Mazda 626 ехаў па вуліцы Талбухіна ў бок праспекта Незалежнасці, калі не саўладаў з кіраваннем і сутыкнуўся з дрэвам.
У выніку аварыі, двое пасажыраў атрымалі траўмы, адзін з іх апынуўся ў рэанімацыі. Высветлілася, што кіроўца знаходзіўся ў стане алкагольнага ап'янення (па выніках асведчання — 3,04 праміле).
БЕЛТА паведамляе, што раней мужчына быў пазбаўлены права кіравання за "п'яныя" паездкі, тэрмін пакарання скончыўся, але іспыты ён не пераздаваў. Распачатая крымінальная справа. Парушальніку пагражае да 7 гадоў пазбаўлення волі. Да суда ён будзе знаходзіцца ў следчым ізалятары.
У Беларусі затрымалі да 20 п'яных кіроўцаў-"паўторнікаў"
Нецвярозая кампанія беларусаў на легкавіку прарывалася ў Літву
