У Мінск прыляцеў першы рэйс авіякампаніі Nordwind з Калінінграда
Самалёт Nordwind ў Мінску / t.me/MinskNationalAirport
2 мая рэйсы ў Нацыянальны аэрапорт "Мінск" стала выконваць новая авіякампанія — расійская Nordwind Airlines. Першы самалёт Nordwind з Калінінграда, які прызямліўся ў Мінску, сустрэлі ўрачыста — воднай аркай. Гэта міжнародная традыцыя — шмат у якіх аэрапортах свету так вітаюць новыя тыпы паветраных судоў, рэйсы і авіякампаніі.
Першаму пасажыру зваротнага рэйса Мінск — Калінінград, які падышоў да стойкі на рэгістрацыю, ад мінскага аэрапорта падарылі сувеніры і сертыфікат на двухразовае бясплатнае абслугоўванне ў VIP-зале. Шчасліўчыка клічуць Міхаіл Цолбан.
Nordwind Airlines — расійская авіякампанія, створаная ў 2008 годзе. Так жа, як і Pegas Fly, яна з'яўляецца даччынай авіякампаніяй тураператара "Пегас Турыстык". Nordwind месціцца ў маскоўскім аэрапорце Шарамеццева і выконвае рэйсы ў буйныя расійскія гарады, Сімферопаль, Анталію.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
