У Мазыры падпалілі будынак, якому больш за стагоддзе (фота)
У Мазыры невядомыя падпалілі трохпавярховы цагляны будынак 1910 года. Ён уваходзіць у спіс гісторыка-культурных каштоўнасцяў рэспубліканскай значнасці.
Як паведамляе прэс-служба МНС, пабудова належыць індывідуальнаму прадпрымальніку і не эксплуатуецца з 2004 года. У выніку пажару пашкоджаныя дах і сцены, пацярпелых няма. Магчымыя прычыны пажару — занясенне пабочнай крыніцы агню наўмысна або па неасцярожнасці. Вызначаецца памер матэрыяльнай шкоды.
Фота: МНС
