У Маскве пройдзе пікет з нагоды Дня Салідарнасці з Беларуссю

Пікет пройдзе сёння каля беларускай амбасады ў Маскве. Ён прымеркаваны да Дня Салідарнасці з Беларуссю. Арганізатары, а гэта актывісты некалькіх расійскіх маладзёжных арганізацый, збіраюцца выказаць пратэст супраць парушэння правоў чалавека ў Беларусі.

Як паведамляе "Эхо Москвы", у акцыю маюць намер узяць удзел таксама сябры беларускіх маладзёжных арганізацый і прадстаўнікі беларускай дыяспары ў расійскай сталіцы. Адзначым, што правядзенне пікета санкцыянавана маскоўскімі ўладамі.