Вы тут

У Маладзечне СК праводзіць праверку па факце гібелі рабочых у траншэі

Следчы камітэт

У Маладзечне Следчы камітэт праводзіць даследчую праверку па факце гібелі рабочых у траншэі. Следчыя ўжо агледзілі месца здарэння, прызначаныя судова-медыцынскія экспертызы, высвятляюцца ўсе акалічнасці інцыдэнту, паведамляе прэс-служба ведамства.

Здарэнне адбылося ўвечары 7 верасня, каля 20:00. Трое рабочых працавалі ў траншэі ля вуліцы Гарадоцкай, якую пракладвалі пад ліўнёвую каналізацыю. Глыбіны траншэі складае 2 метры, шырыня —  1,5 метра. У пэўны момант на іх абрынуўся грунт.

Да прыезду выратавальнікаў дапамогу пацярпелым стараліся аказаць дапамогу сведкі здарэння. Пазней супрацоўнікі МНС дасталі ўсіх траіх мужчын з-пад грунта і перадалі медыкам. Дваім дапамагчы ўжо не змаглі —  гэта 20-гадовы хлопец і 37-гадовы мужчына. Трэцяга мужчыну, якому 43 гады, шпіталізавалі.