У “Макранах” украінец спрабаваў збегчы ад беларускіх памежнікаў (відэа)
У пункце пропуску “Макраны” на беларуска-ўкраінскай мяжы грамадзянін Украіны спрабаваў збегчы ад беларускіх памежнікаў. Здарэнне адбылося ўвечары 9 снежня. Як інфармуе прэс-служба Дзяржаўнага памежнага камітэта Беларусі, мужчына перайшоў мяжу пешшу, але пасля перадумаў, успомніў пра нейкія тэрміновыя справы на радзіме і пабег з пункта пропуску, з беларускага боку, назад. Пры гэтым ён супраціўляўся, але ўсё ж быў затрыманы.
Высветлілася, што затрыманы — жыхар Львоўскай вобласці, яму 38 гадоў. Яго аформілі, як парушальніка рэжыму пункта пропуску. Складзены адміністрацыйны пратакол за невыкананне патрабавання службовай асобы. Украінцу пагражае штраф — да 1150 рублёў. Ён знаходзіцца ў ізалятары часовага ўтрымання Брэсцкай памежнай групы.
