У Магілёве сем ліцэістак атруціліся невядомым рэчывам
Здарэнне адбылося 9 верасня ў Магілёўскім дзяржаўным прафесійным ліцэі №10.
Дзяўчынкі падчас перапынку на трэцім паверсе ліцэя адчулі пах нейкага рэчыва. Праз нейкі час у іх з’явіліся галавакружэнне і галаўны боль. У выніку ўсе яны былі шпіталізаваныя з вострым інгаляцыйным атручваннем.
Спецыялісты мяркуюць, што невядомае рэчыва нехта наўмысна распыліў з балончыка. У сувязі з інцыдэнтам праводзіцца праверка, перадае “Радыё Магілёў”.
Фота — ria.ru
