У Магілёве на вуліцы сярод ночы згарэла машына (фота)
![У Магілёве на вуліцы сярод ночы згарэла машына (фота)](/sites/default/files/styles/gallery_main/public/2023-08/mah_auto_1.jpg.webp?itok=Ub26oD_F)
У Магілёве сярод ночы на вуліцы загарэўся аўтамабіль. Здарэнне адбылося 2 верасня пасля 2.00 па вуліцы Крывуліна ў абласным цэнтры. У аўтамабіля “Аўдзі А8” 2003 года выпуску загарэўся маторны адсек.
Агонь знішчыў рухавік, пашкодзіў лакафарбавае пакрыццё, закурыў салон машыны. Апроч таго, пажар перакінуўся на прыпаркаваны па суседстве “Мерсэдэс А-160” — у яго пашкоджаны багажнік, задняе шкло, бампер і лакафарбавае пакрыццё, перадае Магілёўскае абласное ўпраўленне МНС.
Прычына пажару высвятляецца.