Латвія падоўжыла да канца года ўзмоцнены кантроль на мяжы з Беларуссю
![На латвійска-беларускай мяжы](/sites/default/files/styles/gallery_main/public/2024-09/latvija-1009.jpg.webp?itok=q5NdMG6J)
На латвійска-беларускай мяжы / mixnews.lv
Урад Латвіі 10 верасня пастанавіў падоўжыць рэжым узмоцненага кантролю на мяжы з Беларуссю да 31 снежня 2024 года, піша mixnews.lv.
Раней дзеянне рэжыму было прынятае да 12 верасня.
У МУС Латвіі патлумачылі, што падаўжэнне такога рэжыму неабходнае ў сувязі з вялікай колькасцю спробаў незаконнага перасячэння латвійска-беларускай мяжы.
Сёлета ад незаконнага перасячэння мяжы з боку Беларусі латвійскі бок устрымаў 4210 чалавек. А 16 чалавек былі прапушчаныя ў Латвію па гуманітарных прычынах.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.