У Літве прапануюць скасаваць дамовы аб заахвочванні гандлю з РФ і Беларуссю
![Літва, ілюстрацыйнае фота](/sites/default/files/styles/gallery_main/public/2023-08/litva_20_03.jpg.webp?itok=JAE2Jh-b)
Літва, ілюстрацыйнае фота
Міністэрства замежных спраў Літвы прапануе ўраду скасаваць пагадненні аб гандлёва-эканамічным супрацоўніцтве з Расіяй і Беларуссю, якія дзейнічаюць ужо тры дзесяцігоддзі, перадае LRT.
У МЗС прапануюць дэнансаваць пагадненні, спасылаючыся на ваенную агрэсію Расіі і Беларусі супраць Украіны, а таксама на той факт, што супрацоўніцтва з імі цалкам прыпыненае і немагчымае.
Як заяўляюць у МЗС, ніякіх негатыўных наступстваў для Літвы ў выпадку аднабаковага скасавання пагадненняў не прадбачыцца.
Пагадненне з Беларуссю Літва падпісала ў снежні 1994 года, а з Расіяй – у лістападзе 1993-га. Таксама былі створаны двухбаковыя камісіі. Але іх пасяджэнні не праводзіліся ўжо некалькі гадоў: з Расіяй — з 2011 года, з Беларуссю — з 2015-га.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.