У Кубку Інтэртота УЕФА беларускі клуб згуляе з прадстаўніком Польшчы

Лёсаванне Кубку Інтэртота УЕФА прайшло ў панядзелак у швейцарскім Ньёне. Беларускі клуб (гэта будзе ці салігорскі «Шахцёр» ці жодзінскае «Тарпеда») у першым раўндзе сустрэнецца з прадстаўніком Польшчы. Гэта будзе або познаньскі «Лех», або варшаўская «Легія» або «Дыскаболія» з Гродзіск‑Велькапольскага.

Матчы пройдуць 21-22 і 28-29 чэрвеня, паведамляе "Наша ніва".