Вы тут

У Кіеве прайшла акцыя памяці беларуса Віталя Шышова

Кіеў, 3 жніўня 2021-га / Reuters

Увечары 3 жніўня ў Кіеве прайшла акцыя памяці беларуса Віталя Шышова. Сотні яе ўдзельнікаў збіраліся каля будынка пасольства Беларусі на вуліцы Кацюбінскага. Там утварыўся мемарыял памяці Шышова: усталяваны крыж, ляжаць фотаздымкі, кветкі, запаленыя знічкі. Людзі скандавалі "Не забудзем — не даруем!", "Жыве Беларусь!". Былі запаленыя фаеры. Каля пасольства дзяжурыла паліцыя.

Кіраўнік "Беларускага дома ва Украіне" Віталь Шышоў знік у Кіеве 2 жніўня. Яго знайшлі павешаным у кіеўскім парку. Сярод версій паліцыі — наўмыснае забойства, імітаванае пад суіцыд. Прэзідэнт Украіны Уладзімір Зяленскі ўзяў пад асабісты кантроль справу аб гібелі беларуса. Пра Шышова паведамілі сусветныя СМІ. Сваё расследаванне правядзе Bellingcat.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.