У Карэліцкім раёне ліквідуюць наступствы стыхіі: вецер зрываў дахі дамоў

У Карэліцкім раёне ліквідуюць наступствы стыхіі. Моцны вецер зрываў дахі дамоў. Пацярпела вёска Хлюпічы. У чацвер у яе прыязджаў старшыня Гродзенскага аблвыканкама Уладзімір Каранік. Быў разгорнуты абласны штаб па надзвычайных сітуацыях.

Як паведамляюць ратавальнікі, у Хлюпічах пашкоджаны дахі 19 прыватных дамоў (з іх 8 выкарыстоўваюцца як лецішчы). Вецер ламаў дрэвы, абрываў лініі электраперадачы. На шчасце, ніхто з людзей не пацярпеў.

Вяскоўцам паабяцалі, што электрычнасць хутка з'явіцца, і што ім прывязуць неабходныя будматэрыялы і шыфер.