У Ізраілі абдымаюцца пад час абстрэлаў

У панядзелак група аматараў Іерусаліма, у якую ўваходзяць габрэі, хрысціяне і мусульмане, правядзе маштабную акцыю, у часе якой некалькі тысячаў чалавек стануць ланцугом вакол сценаў Старога гораду і, як толькі будзе пададзены адмысловы знак, абдымуць адзін аднаго. Арганізатары заяўляюць, што абдымкі будуць цягнуцца гадзіну.

Тым часам Ізраіль увёў надзвычайны стан на поўдні краіны, у раёнах, якія мяжуюць з сектарам Газы з-за суботняга абстрэлу з палестынскага боку.