У Ірландыі Ціханоўскай уручылі прэмію міру Тыперары
Святлана Ціханоўская падчас уручэння прэміі / t.me/tsikhanouskaya/
У Ірландыі Святлане Ціханоўскай уручылі прэмію міру Тыперары. Пра тое, што яна стала лаўрэаткай, стала вядома ў пачатку сакавіка. Лаўрэатамі гэтай прэміі ў розны час станавіліся экс-генеральны сакратар ААН Пан Гі Мун, прэзідэнт ПАР Нэльсан Мандэла, амерыканскі лідар Біл Клінтан.
"Няхай гэты прыз стане сімвалам надзеі і салідарнасці ў нашай барацьбе за свабоду", — сказала Ціханоўская. І дадала, што прымае ўзнагароду для ўсіх беларусаў.
Тыперары — гэта той самы рэгіён Ірландыі, куды Святлана Ціханоўская з 12 гадоў прыязджала на лета па праграмах абмену для дзяцей, якія пацярпелі ад Чарнобыльскай катастрофы.
Proud to accept the @TipperaryPeace Award on behalf of all Belarusians. Former laureate @NelsonMandela said: “No one truly knows a nation until one has been inside its jails.” This is a sad truth for us. Let this prize be a symbol of hope & solidarity in our fight for freedom. pic.twitter.com/8ygCWWM1tz
— Sviatlana Tsikhanouskaya (@Tsihanouskaya) May 2, 2023
