У грузавіку, які ехаў з Беларусі ў Калінінград, літоўцы знайшлі кантрабанду

У грузавіку, які ехаў з Беларусі ў Калінінградскую вобласць Расіі, літоўскія мытнікі знайшлі кантрабандныя цыгарэты. Іх кошт складае каля 1,64 млн еўра, паведамляе літоўская Мытная крымінальная служба.

Здарэнне адбылося ў пункце пропуску ў Мядзінінкай. Паводле дакументаў, у грузавіку быў груз чыпсаў, гарбаты, кавы. Аднак пры рэнтгенаўскім даследаванні знайшлася схаваная кантрабанда — сотні скрынак з цыгарэтамі Minsk Capital, NZ Gold і NZ 10.

Кантрабанда / facebook.com/Muitineskriminalinetarnyba

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.