У Гродне з'явіцца вялікі мурал пра "гісторыю каралеўскага горада"
Мурал у Гродне / Newgrodno.by
У Гродне ствараюць вялікі мурал на гістарычную тэму. На ім будуць выяўленыя сцэны палявання і "гісторыя каралеўскага горада". Плошча палатна складзе больш за 430 кв.м, піша партал Newgrodno.by. Мурал будзе размешчаны на будынку па адрасе Карла Маркса, 11. Але каб яго ўбачыць, трэба будзе зайсці ў двор. Мяркуецца, што гэтае палатно стане своеасаблівым падарункам Гродну на Дзень горада, які святкуецца ў верасні.
Ініцыятарам стварэння мурала быў Анатоль Грышук, гаспадар галерэі халоднай зброі, якая размешчаная ў гэтым будынку. Гарадскія ўлады ідэю падтрымалі. Эскіз стварыў гродзенскі мастак Уладзімір Качан.
Эскіз мурала / Newgrodno.by
Мурал размешчаны ў двары дома / Newgrodno.by
